دکلمه ها / اشعار
کیه خی
ناخنی کیشاتیه وه گیانِ دیوار دلم
آسمان شو تَمه وه دیودِ سیگار دلم
تو وه خاو بین آوی هَت و لیزمان کول برده ری
هیچکسی نَهتا دواره بکی بیدار دلم
ماچ مه کردت ئه وختی ماچ کردن کیخه بی
گل و غمچه هم وه نو کالیت ئه وهار دلم
لیوه بین وه تو مزانین کارِ دلت سازیه
دی ئی وژ مَعرم قیریکه قصت آزار دلم
بَزم مور و چمرت یه قیریکه گه ها وه پا
چوی ئور نَهَتن ئی مانگه دی وه نام شار دلم
ناخنی کیشاتیه وه گیانِ دیوار دلم
آسمان شو تَمه وه دیودِ سیگار دلم
خدامی می
خدامی می خداداری بزانی
مه ژاری کَم ئو حال ژاری بزانی
مه دسمی می گه دسگیر دسم بو
دسم بگری ئو دس یاری بزانی
مئیم ئه پائیز ولگه ریزانه
دل سرد مه وهاری بزانی
نجاتم ده ئی کول خمی ساوام کی
مه بیمار بوم بیمارداری بزانی
طبیبمی می گه لقمان حکیم بو
مه دردم بوشم ئو داری بزانی
نمم کسی بای چوی ریواری رَد بو
مه شامی می گه شاواری بزانی
ملِ عشقم
وه تو خوش بی مَلِ عشقم تو شکانت پر و بالم
وه تو بَستم پر و پیتم تو رمانت لیزو مالم
منو قلبم دَسه بَسیا دَمِ پائیز تو بیمن
زمسانت پَته کردی دم گرم پر شالم
دسَ بستم بنه شانت گُل لیوت بیه واران
چوی پری خیو خیالت بمینه نامِ خیالم
تو ئه پاشوره بکینی دل درده دل جاران
کوئَن ئه شیرین و فرهاد کوئَن ئه لیلی سالم
تو دسیوران ولاتین تونی بیت چلسرومان
تونی نوروز وژیمان تونی حول تونی حالم
وه تو خوش بی مَلِ عشقم تو شکانت پر و بالم
وه تو بَستم پر و پیتم تو رمانت لیزو مالم
گلا آر
ری دلم هَرَیاو نکه گلا آر
رازِ دلم وه چاو نکه گلا آر
لافاو بیاوانم ئی سَر شو تونه
دی تو لیزم پر آو نکه گلا آر
وه سر مه کل جای خراو ماو عزیز
گوشت دلم کاواو نگه گلا آر
چَمم تَم و دلم تنگ و ژیان خَم
جعدل هامار سِراو نکه گلا آر
چئمل منو تو پر ژه خَنه مرگه
دل وه سیای چالاو نکه گلا آر
شئرِ جهان آزیتی خاو تونه
قاضی ئی محکمه خاو نکه گلا آر
وختِ تمیره ژنن و هوره چی
هرچی مَکی هه راوه راو نکه گلا آر
بزان مَزانم وه تونو بَزمِ تو
بو تو وژت ژیرِ نقاو نکه گلاآر
چمه ری
دلم مَدیوم چمریِ گَپَل فره رَنگینته
نمم ارا چه تورینه مَر وَخت دل کَنینته
گری بوری بنیش نازار پریشانم ار هجرانت
بکه رحمی وه لام نچو قسم وَه خدا و دینته
دلم ارانت تنگه دوس مَری دل تو وه سَنگه
چنی وه ناز ریه مهکی قسم ئه سام سهنگینته
هر چوی یه هیزم تری هرچی مَکم نمَسوزم
تو بوری آگرم ده خاس وه نام ای گَرمَشینته
نمم هر عشق تو چه بی چَمَلت هانه ها ویرم
ارا وصل چَمَل تو دل یاخیِ کَمینته
بزان ار نام ای دنیای هزار رنگ و هزار خمه
دل مه دلقرچه مَکی ئه وخت نام چرینته
بو وه پیشواز وَختی که مچم ئه لات و دی نیم
وه بان تَرمم وِتت نچو کی وَخت ویره چینته
بسازین قصر و یی کاخی ارا یی لیل ایلاخی
دل مه هر خوشه نازار وی مال کاه گلینته